Ды вось Ладыжынцы ў знак сяброўства запрасілі футбалістаў з Чашніччыны да сябе ў госці. Ды не проста так, а паўдзельнічаць у 5 міжнародным турніры па футболе сярод дзяцей “Мемарыял Паўла Крывахіжы” , які праходзіў з 24 верасня да 9 кастрычніка. Зборная каманда чашнічан паказала добрыя вынікі - заняла 3 месца ў спаборніцтвах. Адзначым, што значную дапамогу ў арганізацыі гэтай паездкі аказаў прадпрымальнік Максім Калінін, які прапанаваў для каманды асабісты транспарт.
Яркія ўражанні ад гэтай падзеі доўга яшчэ будуць грэць сэрцы нашых юных футбалістаў, а душы дарослых людзей - думка: “ Праз спорт –да міру. Што можа быць больш значным паміж двума народамі , калі не сяброўства? “.
22:45
Ведай нашых!У верасні мы паведамлялі аб тым, што на стадыёне “Энергетык” г. Новалукомля адбыўся Адкрыты Кубак Чашніцкага раёна па футболе сярод юнакоў. Мерапрыемства было прымеркавана да Дня народнага адзінства. У спаборніцтвах прымалі ўдзел госці - каманды з Віцебска, Оршы, Ліёзна, Дуброўна, Гарадка, Лепеля, Верхнядзвінска і іншых раёнаў Віцебскай вобласці. Нават з-за мяжы прыехалі юныя футбалісты, з г. Ладыжына , а гэта Україна. Ладыжын з’яўляецца горадам –пабрацімам нашага Новалукомля. 17 верасня каманда чашнічан заняла першае месца.